కాంతారా లో ఉన్న దైవాతీత శక్తి , మురారి సినిమాలో ఉన్నది ఒకటేనా?

"కాంతారా" కి కృష్ణ వంశి "మురారి" సినిమా కి పోలిక ఉందా??

మొత్తానికి కాంతారా సినిమా చూశాను. ఇంతకీ కాంతారా అంతే "ఒక వింత అడవి లేదా ఒక సంకేతం" అని అర్ధం అట. మొదట్లో పంథొమ్మిదో శతాబ్దం.. ఒక రాజు.. ఆ రోజుకో అసంతృప్తి... ఆగండి ఆగండి.. ఇదేదో కృష్ణవంశీ సినిమాలా ఉందే. పంథొమ్మిదో శతాబ్దం ఆశ్వయుజ బహుళ అమావాస్య.. ఒక రాజుకి ఋణం వలన అసంతృప్తి. 

మళ్ళి, కాంతారా లో కొన్ని సంవత్సరాల తరువాత రాజుగారు అడవి వాళ్ళకి ఇచ్చిన భూమిని వెన్నక్కి తీసుకోవాలని కుట్ర పన్నిన అదే రాజు వంశస్థులు. అడవిని కాపాడడానికి ఒక క్షేత్ర పాలకుడు (గుళిగా) కచ్చితంగా ఉంటాడు అని ఒక కోల నాటకం ఆడేవాడు, దేవుడు పూని, ఆడుతూ ఆడుతూ.. ఒక చోటకి వచ్చి మాయం అవుతాడు (అంటే ప్రకృతిలో కాలుస్తాడు) మరి అడవిని కాపాడేది ఎవరు? అతని కుటుంభంలో అతని కొడుకు పనికిమాలిన తిరుగుడుకు అలవాటు పడిన "శివ". అతనికి "వరాహం" (అంటే వరాహ రూపం కూడా ఎత్తినది విష్ణువే కాబట్టి, దైవ సంకేతం) ఇంకా "కోల" కట్టిన వాళ్ళ నాన్న ఎప్పుడు కలలోకి వచ్చి తన కర్తవ్యాన్ని గుర్తు చేస్తారు. సున్నా ఆకారంలో ఒక సంకేతం. ప్రతి తరం లో కాపాడేవాడు పుడతాడు, పుట్టి కాపాడి తర్వాత కోలా లో పాల్గొని ...ఆతరువాత ? అంతా సూన్యం!! శివా కోలా కట్టినప్పుడు మూడో కన్ను ఉన్నట్టు వేషం వేస్తాడు, అతని పేరుకి కూడా అర్ధం ఉంది.

మురారి సినిమాలో కూడా, తెల్ల దొరల దగ్గర తీసుకున్న అప్పు తీర్చడానికి తన కుల దైవాన్నే (ఒక గ్రామాన్ని రక్షించే దేవత) అమ్ముకోవాలనుకున్న ఓ జమీందారు. తన పాపం అమ్మవారి శాపమై తన కుటుంబాన్ని వెంటాడుతూ ఉంటుంది. ప్రతి 48 ఏళ్ళకి అఖండ జ్యోతి కొండెక్కి ఒకరి ప్రాణం కోరుకుంటుంది. ఆ సినిమాలో మూడో తరంలో హీరో ప్రాణానికి ముప్పు. తప్పించుకోలేని శాపం ఒకవైపు వెంటాడుతుంది. మరో వైపు తరాలు మారుతున్నా అమ్మవారి శాపానికి విరుగుడు తెలియక రాత్రీ పగలు దైవ ధ్యానం లో అమ్మవారిని ప్రసన్నం చేసుకోవాలనుకునే శబరి బామ్మ. మురారి ఆంటే బృందావనం లో కృష్ణుడు, మంచి సంకల్పం తో ఉన్న వాడు, శాపాన్ని అదిగమించాడు.

ఈ రెండు సినిమాల్లో ఈ దైవాతీత శక్తి గురించి చెప్పారు. వాటితో పాటు నటీ నటుల హావభావాలు, సంగీతం, పాటలు, ఫైట్స్, మధ్యలో రొమాన్సులు. కాంతారా సినిమా వల్ల యక్షగానం, అంటే మన ఊళ్ళల్లో జానపద కళారూపాల వైభవాన్ని చెప్పారు. యక్షగానాన్ని బాగోతం నాటకాలని ఇక్కడ అంటారు. ఈ ప్రక్రియలో పాటలు, పద్యాలు, ఆది తాళం ఉంటాయి, ఇది రాత్రులు నుండి అర్ధరాత్రి వరకు ప్రదర్శించేవారు. యక్షగానాన్ని ప్రజల వినోదానికి ఉపయోగించేవారు, డబ్బు ఆశించి కాదు. ముందు సభ్యులు ఆటలు-పాటలతో నాటకాలు వేస్తుంటే వెనక సభ్యులు కోరస్ పాడేవారు, పాత్రలని పరిచేయం చేయటం కోసం ఒకడు ఉండేవాడు. ఇది తెలుగు రాష్ట్రాల్లో కూడా ఆడేవారు. పాటల రూపంలో కథల యొక్క సుదీర్ఘ కథనంలా ఉండే యక్షగానం, వీధి నాటకం నుండి ఉద్భవించింది. ఇది ఒక కళారూపం, అపారమైన నైపుణ్యం తో చెయ్యబడుతుంది. ఇంకొన్ని జానపద కళారూపాల గురించి ఇక్కడ ఉంది.  (https://resorcio.com/products/telugu-folk-songs-janapada-geetalu)

అయితే మన దగ్గరకుడా పండగలకి జాతర చేసినప్పుడు అమ్మవారు పూని జరగబోయే విషయాలు చెప్తుందని నమ్ముతాము కదా. అవి నిజంగా జరుగుతున్నాయో లేదో కానీ, ఎదో తెలియని శక్తి మాత్రం ప్రకృతిని కాపాడుతోందన్న నిజం కాదనగలమా? ఐతే ఇంతకీ కాంతారా సినిమాలో శివ, అతని తండ్రి అదృశ్యం అవ్వటం, మురారి సినిమా లో శబరి బామ్మా నదిలోకి వెళ్లి మునిగిపోవటం ప్రకృతి ఆజ్ఞని పాటించి, తమ వంతు సాయం చేసి, ప్రకృతిలో కలిసి పోవాలన్న మంచి కర్తవ్యాన్ని సూచిస్తుందని నా అభిప్రాయం. 

కాంతారా సినిమాలో వరాహ రూపం పాట కూడా చాలా బాగుంది కదూ, అయితే నాలుగు ఏళ్ళ క్రితం వచ్చిన తైక్కుడం బ్రిడ్జ్ వారి నవరస అనే 6:45 నిమిషాల పాట ఇలాగే ఉంటుంది... కళ ని చులకన చెయ్యటం ఎంత తప్పో వివరిస్తుంది, కోలం గురించి కూడా ఉంటుంది, మలయాళ సందర్భంలో.. అసలు కోలం ఆంటే భూత కోల, భూతాలని దేవతలని సమానంగా పూజించే తులు ఆచారం అట కేరళ లోనూ పాటిస్తారు. ఈ కాంతరా సినిమా వాళ్ళు ఆ షార్ట్ వీడియో నుండి కూడా ప్రేరణ తీసుకుని ఉండచ్చు. (https://www.youtube.com/watch?v=oYK6JU7Nx38) ఏది ఏమైనా 16 కోట్లతో తీసిన సినిమా సంచలనం సాధిస్తోంది. 

రిషబ్ శెట్టి గారు ఈ కళ ని నేర్చుకోవటానికి తనకి తెలిసిన జానపదాన్నే రెండేళ్లో అడవి ప్రాంతం వారితో గడిపి మరీ నేర్చుకున్నారట. మన సంసృతి గురించి మనకి తెలిసింది గోరంత తెలియల్సినది కొండంత. ఏది ఏమైనా మన కళ లని బ్రతికించడం మన భాద్యత. ఎందుకంటే కోటా శ్రీనివాస్ రావు గారు ఓ సినిమాలో అన్నట్టు "నిద్రలో వచ్చేది కల, నిద్ర లేపేది కళ, అది బతుకునిచ్చేది, బతుకు నేర్పేది కూడా".